དོགས་སློང་བྱེད་ཕོད་པ་ནི་རེ་བའི་གཞི་མ་ཡིན།།
པདེན་དཔང་བྱེད་ཐུབ་པ་ནི་རེ་འབྲས་རྒྱས་བྱེད་ཡིན།།
བདེན་དཔང་རེ་ཡི་རྒྱབ་ནས་བརྙེད་པའི་དོགས་སློང་རེ།།
དོགས་སློང་རེ་ཡི་མདུན་དུ་འགྲེངས་པའི་ལྐུགས་པའི་ཁྱུ།།
ཁྱེད་མཚན་མཁའ་ནས་འཕུར་བའི་ལྟོས་ལས་ཅི།།
我的简介
- Atsock
- ཁོ་བོ་ཨ་མའི་ཨོ་ལོའི་སྐབས་སུ་ངའི་གཅེས་ཕྲུག་གནམ་གྱིས་སྲུང་རྒྱུ་བོ་ཞེས་ཁ་གཡང་སྨོན་ཚིག་རྐྱང་གིས་གཉོར་ན་མོད། སྟབས་མ་ལེགས་པར་ལོ་བཅུ་གཅིག་སྟེང་མ་གཡར་ཚེ་ལས་འདས་པ་ནས་བཟུང་དྭ་ཕྲུག་མ་ཡིན་པའི་དྭ་ཕྲུག་གི་ཚོར་བར་གདོང་ལེན་བྱས། དེ་ནས་བཟུང་ངའི་རྣ་ལྟག་ནས་ཁ་མི་སོས་རྒྱུ་བོ། དོན་མི་འགྲུབ་རྒྱུ་བོ། ཚེ་འཆད་རྒྱུ་བོ། ལ་སོགས་པའི་དམོད་ཚིག་འཇགས་མ་མྱོང་ལ། རིམ་པས་ང་ལོ་ན་སོན་པ་དང་ཆབས་ཅིག ངའི་རྣ་ལྟག་གི་དམོད་ཚིག་ཀྱང་ནར་སོན་ནས། གསར་བརྗེ་ངོ་ལོག་པ། ཆོས་ཀྱི་ལྟ་ལོག་པ། རྒྱ་གར་ནག་གི་སོ་བ། རྒྱལ་ཁབ་ཁ་བྲལ་བ། སོགས་དོ་བདག་གི་ཤེས་འཇོན་ལས་བརྒལ་བའི་ཐ་སྙད་རྐྱང་རྐྱང་གི་ངོ་བོར་འཕེལ་ཡོད། དེ་ལྟར་ཡང་ང་ལ་དལ་བརྒྱད་འབྱོར་བཅུ་ཚང་བའི་ལུས་ཁོག་འདི་ལོངས་སུ་སྤྱོད་རྒྱུའི་སྐལ་བ་ཐོབ་པ་ནས་བགྲང་བྱ་སུམ་ཅུ་ཁད་ཀྱིས་རྫོགས་སོང་མོད། དུས་ཡུན་འདིའིི་ནང་ངས་སྤྱི་ཚོགས་ཀྱི་གཏུམ་སྤྱོད་ཆེ་སར་འཇམ་མཉེན་ཚེ་སྲོག་གིས་རྒོལ་བ་བརྩམས་ཁུལ་ཡང་། དེ་རིང་ཁོ་བོ་འདི་ན་འདི་ལྟར་གསོན་པོར་གནས་པ་འདི་སུ་ཞིག་གི་ངོ་ཚ་ཡིན་ཞེས་བཤད་ནའང་མ་ཆོག་པ་མེད་ལ། ཡང་གཅིག་བྱས་ན། མི་མངོན་པའི་དབྱིངས་ན་ཨ་མས་ངའི་རྗེས་སུ་གནམ་གྱིས་སྲུང་རྒྱུ་བོ་ཞེས་ད་དུང་སྨོན་ཚིག་སྐྱོར་བསྡད་ཡོད་པའི་བཀའ་དྲིན་ལོས་ཡིན།
没有评论:
发表评论